Rolls Royceకు పోటీగా కారు.. వినడానికి వింతగా ఉన్నా రేంజ్​, ప్రత్యేకతలు తెలిస్తే షాకవ్వాల్సిందే

లగ్జరీ కార్ల మార్కెట్లో Rolls-Royce వంటి బ్రాండ్లకు ప్రత్యేక గుర్తింపు ఉంది. అత్యాధునిక ఫీచర్లు, విలాసవంతమైన ఇంటీరియర్, ఆకర్షణీయమైన డిజైన్‌తో ఈ కార్లు సంపన్నులను ఆకట్టుకుంటుంటాయి. ఇప్పుడు చైనాకు చెందిన ప్రముఖ ఎలక్ట్రిక్ వాహన తయారీ సంస్థ BYD కూడా ఈ విభాగంలో తనదైన ముద్ర వేయడానికి సిద్ధమైంది. తన అల్ట్రా లగ్జరీ బ్రాండ్ Yangwang కింద Atelier పేరుతో సరికొత్త లగ్జరీ ఎలక్ట్రిక్ లిమోజిన్‌ను ఆవిష్కరించింది. అబుదాబిలో నిర్వహించిన కార్యక్రమంలో ఈ కారును తొలిసారిగా ప్రపంచానికి పరిచయం చేసింది.